A Fundación Galiza Sempre e o BNG presentaron onte o congreso sobre a vida e obra de Daniel Castelao que terá lugar o 8 de novembro na Facultade de Comunicación de Santiago de Compostela (USC). Este Simposio será unha oportunidade única para reafirmarmos a vixencia do pensamento político de Castelao e o o inmenso e multifacético legado de quen trazou o verdadeiro programa político do nacionalismo galego.
Programa completo
10h00 benvida e presentación
- Rubén Cela, presidente da Fundación Galiza Sempre.
- Ana Pontón, portavoz nacional do BNG.
10h20 Castelao: a persoa
- Miguel Anxo Seixas, presidente da Fundación Castelao.
- Montse Fajardo, xornalista e escritora. Autora da biografía de Virxinia Pereira.
- Xosé Luís Axeitos, escritor e investigador. Membro da Real Academia Galega.
*Modera Carme Vidal xornalista
11h15 a traída dos restos de Castelao
- Proxección do vídeo da traída dos restos de Castelao a Galiza. Intervención de Tareixa Navaza xornalista.
11h45 Castelao: o escritor
- María do Carme Fernández, profesora na UDC, filóloga e ensaísta.
- Marta Dacosta, poeta e profesora.
- Xoán Costa filólogo, profesor e escritor.
*Modera Keina Espiñeira, do padroado da Fundación Galiza Sempre
12h45 pausa-café
13h10 Castelao: o artista
- Iria-Friné Rivera, historiadora de arte, escritora e investigadora.
- Carlos L. Bernárdez, historiador, investigador e crítico de arte.
- Pepe Barro, deseñador, ilustrador e escritor.
*Modera Pilar Lueiro concelleira do BNG en Santiago de Compostela.
*Intervención artística do Carrabouxo elaborando unha estampa a Castelao.
14h15 xantar na cafetaría da Facultade de Ciencias da Comunicación
16h00 “Monólogo arredor de Castelao”
A cargo de Quico Cadaval, contador, director e autor teatral
16h15 Castelao: o dirixente político
- Uxío Breogán Diéguez Cequiel historiador, investigador e profesor na UDC.
- Manuel Rei filólogo e ensaísta. Autor de estudos sobre Castelao.
- Pilar Allegue filósofa, escritora e política galega.
*Modera Mercedes Queixas do padroado da Fundación Galiza Sempre e deputada.
17h15 o pensamento político de Castelao
- Francisco Rodríguez filólogo, profesor e investigador.
- Pilar García Negro filóloga, escritora e profesora da UDC.
- Xoán Carlos Garrido ensaísta e investigador. Especialista en Castelao.
*Modera Lucía Veciño secretaria da Fundación Galiza Sempre.
18h30 clausura
Convidámoste, pois, a reservar esta data e acompañarnos. A túa presenza é fundamental para honrar a memoria de Castelao e, sobre todo, para continuar construíndo, colectivamente, a Galiza libre e xusta que queremos e pola que el loitou. Inscríbete premendo na seguinte ligazón: https://docs.google.com/forms/d/e/1FAIpQLSeDoJWbAT1YnEoyqdeKYO0CvQmG_4_jWhtYF00rDivUnIL-ZQ/viewform
